Deputetja e Vetëvendosjes, Fitore Pacolli ka folur në RTK, në lidhje me Noa Energy Trade, firmë kjo që ishte ndër më profitabilet në Kosovë, anipse në ARBK i figurojnë dy-tre punëtorë, e s’ka as zyre. Pacolli u shpreh se nuk i din specifikat për këtë rast, sepse nuk është marrë me të.
“Unë nuk jam marrë me këtë kompani, nuk i di specifikat dhe mënyrën se si operon, por mund të them se sot kemi shumë zhurmë nga figura të ndryshme, disa mediatike e disa politike, të cilat bërtasin nëpër studio kinse për mafian energjetike, këtë apo atë, vetëm për të kamufluar atë që realisht po ndodh”- tha Fitore Pacolli.
