Presidenti i SHBA-së Donald Trump, është shprehur i pikëlluar për lajmin që ish-presidenti Biden është diagnostikuar me kancer.
Në reagimin e bërë, Trump së bashku me bashkëshorten e tij i urojnë Biden shërim të shpejtë dhe të suksesshëm.
“Unë dhe Melania jemi të pikëlluar me të dëgjuar për diagnozën e fundit mjekësore të Joe Biden. I shprehim urimet tona më të ngrohta dhe më të mirat Jill dhe familjes, dhe i urojmë Joe shërim të shpejtë dhe të suksesshëm”, thuhet në reagimin e Trump.
Ndryshe, të dielën CNN raportoi se ish-presidenti i Amerikës, Joe Biden, u diagnostikua me një “formë agresive” të kancerit të prostatës, i cili është përhapur në kockat e tij.
