18.7 C
Pristina
Monday, June 24, 2024

Buy now

spot_img

Skandal në Francë: Dyshohet se e drogoi deputeten për të abuzuar me të seksualisht, arrestohet senatori

Një senator francez u mor në pyetje të enjten në Paris, pasi dyshohet se kishte droguar një anëtare të parlamentit me qëllim abuzimin me të seksualisht.

Zyra e prokurorit publik të Parisit konfirmoi vendosjen në paraburgim policor të Joël Guerriau për “administrimin e një personi, pa dijeninë e tyre, të një substance që mund të dëmtojë aftësinë e tyre dalluese ose kontrollin e veprimeve të tyre për të kryer përdhunim ose sulm seksual”.

Ngjarjet dyshohet se kanë ndodhur gjatë mbrëmjes së të martës në të mërkurë dhe për të cilat viktima, “një grua, ka bërë kallëzim”.

Me profesion bankier, i zgjedhur në Asamblenë e Lartë që prej vitit 2011, Joël Guerriau është sekretar i Senatit dhe nënkryetar i Komisionit të Punëve të Jashtme, Mbrojtjes dhe Forcave të Armatosura.

Dy burime të afërta me rastin konfirmuan për AFP se viktima është deputete, por prokuroria nuk deshi të komentonte këtë pikë.

Viktima ishte ndier keq pasi kishte pirë një pije në orët e vona të së martës në shtëpinë pariziane të senatorit 66-vjeçar, me të cilin nuk ka marrëdhënie intime, konfirmoi prokurori publik.

Sipas një burimi pranë çështjes, deputetja u tha hetuesve se ishte ftuar nga Joël Guerriau në shtëpinë e saj në Paris të martën në mbrëmje. Pas incidentit, zyrtarja ka vendosur të largohet nga banesa. Mostrat nga trupi i saj zbuluan praninë e ekstazisë, konfirmoi më tej zyra e prokurorit të Parisit dhe më pas gruaja paraqiti një ankesë.

Sipas prokurorisë, nga kontrollet e kryera në shtëpinë e të zgjedhurit, hetuesit gjetën ekstazi. Lënda narkotike u gjet edhe në zyrën e senatorit, gjë që e konfirmoi prokurori publik.

Joël Guerriau është zgjedhur senator që nga viti 2011. Anëtar i grupit të të Pavarurve të Senatit, ai iu bashkua partisë Horizonte të Edouard Philippe në 2022.

Artikuj të ngjashëm

- Marketing -spot_img
- Marketing -spot_img

Artikujt e fundit

- Marketing -spot_img