17.7 C
Pristina
Tuesday, May 21, 2024

Buy now

spot_img

E shtuna e zezë: Tre aksidente me fatalitet në Kosovë, pesë persona humbin jetën

Dy aksidente janë regjistruar në rrethinë të Prishtinës këtë të shtunë, e të cilat kanë përfunduar edhe në tragjedi. Aksidenti i tretë, po ashtu me fatalitet, është regjistruar në Pejë.

Siç ka konfirmuar, zëdhënësja e Policisë, Flora Ahmeti, aksidenti i parë ka ndodhur në rrugën Llapsanellë-Graqanicë, ku për pasojë ka vdekur një person.

“Në këtë aksident kanë qenë të përfshira, dy automjete, të cilat kanë qenë në lëvizje. Si pasojë e aksidentit lëndime trupore kanë pësuar dy persona, një prej tyre nuk kanë arritë të përballojnë plagët dhe i njëjti ka ndërruar jetë”, ka njoftuar Ahmeti.

Me rastin po merret hetuesia nga njësiti i trafikut rrugor.

Ndërsa aksidenti tjetër ka ndodhur pas orës 20:00 të mbrëmjes, në Podujevë, ku nga përplasja e një veture kanë vdekur dy nga tre personat e lënduar.

“Sot rreth orës 20:30 në rrugën që lidhë fshatin Sfeqël me fshatin Shajkovc të Podujevës, ka ndodhur një aksident trafiku, ku është përfshirë një veturë. Dy nga personat e lënduar nuk kanë arrit të përballojnë plagët e shkaktuara nga aksidenti dhe të njëjtit kanë vdekur”.

Me hetimin për zbardhjen e shkaqeve të këtij vetaksidenti, tregoi zëdhënësja e Policisë, po merren hetuesit nga Njësiti i trafikut.

Pamje nga aksidenti në rrugën Shfeqël-Shajkovc, në Podujevë

Aksidenti tjetër fatal është regjistruar në Pejë, pas orës 21:00 të mbrëmjes.

Zëdhënësi i Policisë për rajonin e Pejës, Driton Rugova, ka thënë se një veturë ka përplasur tre këmbësorë, dy prej të cilëve kanë vdekur.

I aksidentuari i tretë aktualisht është duke u mjekuar në Spitalin e Pejës.

“Sonte rreth orës 21:30 policia është informuar për një aksident në fshatin Ozdrim të Pejës. Në këtë aksident ka qenë e involvuar një veturë dhe tre këmbësorë, ku si pasojë e këtij aksidenti dy nga këmbësorët kanë vdekur, vdekjen e së cilëve e ka konstatuar ekipi mjekësor dhe këmbësori i tretë është dërguar në spitalin e Pejës”, ka deklaruar Rugova.

Artikuj të ngjashëm

- Marketing -spot_img
- Marketing -spot_img

Artikujt e fundit

- Marketing -spot_img