Kryetari i LDK’së, Lumir Abdixhiku, i ka falënderuar 6 mijë pjesëmarrësit në Konventën e LDK’së, derisa i ka kërkuar falje atyre që kanë mbetur jashtë.
Ai tha se 19 nëntori shënon nisjen drejt rikthimit të madh.
“Ju faleminderit të 6000 pjesëmarrësve në Konventë; e ndjesë për 2000 të tjerë që na mbetën jashtë. Sallë më të madhe nuk kishim; por masoviteti juaj, thirrjet tuaja, brenda e jashtë, na dha forcë për ecjen para. 19 nëntori shënon nisjen drejt rikthimit tonë të madh. Lidhja është e fortë!”
Ai tha se konventa programore “Rruga e re” transmetohet sot në: TV Dukagjini, në orën 18:40; Klan Kosova, në orën 19:00, dhe T7, në orën 20:00.
