Mustafa e Apostolova bisedojnë për përbërjen e Qeverisë së re

14/10/2019

Kryetari i LDK-së, Isa Mustafa ka pritur sot në takim Përfaqësuesen e Posaçme të BE-së dhe Shefe e Zyrës së BE-së në Kosovë, Nataliya Apostolova, me të cilën ka biseduar për procesin e zgjedhjeve parlamentare të 6 tetorit, situatën aktuale politike në Kosovë dhe për përbërjen e Qeverisë së re.

Sipas njoftimit të LDK-së, Mustafa e ka njoftuar Apostolovën për qëndrimet e LDK-së mbi temat kyçe politike në vend dhe për vazhdimin e takimeve të grupeve punuese të LDK-së me ato të LVV-së për përafrimin e programeve të të dy partive drejt një programi të përbashkët qeverisës, transmeton Telegrafi.

Gjithashtu kryetari Mustafa e falënderoi BE-në për mbështetjen e vazhdueshme që i kanë dhënë Kosovës në të gjitha proceset shtetformuese.

Apostolova e ka inkurajuar LDK-në të vazhdojë të ketë rol konstruktiv në zhvillimin e vazhdueshëm të Kosovës.

Në takim ishin të pranishëm edhe nënkryetarët e LDK-së Agim Veliu e Lutfi Haziri, anëtari i Kryesisë dhe zëdhënësi, Besian Mustafa dhe anëtarja e Kryesisë, Vlora Dumoshi.

PostAdss

RELATED ARTICLESMORE FROM AUTHOR

Trungu i pemës çan Audi-n pas aksidentit të rëndë, dy të rinj mbijetojnë

Aksident trafiku me fatalitet në Mleqan të Malishevës

Të dielën në autostrada të Kosovës s’ka kufizim të qarkullimit të automjeteve me mbi 20 tonë

RELATED ARTICLES MORE FROM AUTHOR