Disa lagje në Prishtinë mbesin nesër pa ujë deri në orët e pasdites

Kompania Rajonale e Ujësjellësit “Prishtina” ka njoftuar se nesër, më 2 qershor, do të ketë ndërprerje të përkohshme të furnizimit me ujë në disa zona të kryeqytetit.

Sipas njoftimit në Facebook, ndërprerja do të bëhet për shkak të realizimit të disa punimeve teknike në rrjetin e ujësjellësit dhe do të zgjasë nga ora 10:00 deri në 16:00.

Pa ujë do të mbesin zonat: Arbëria, Dardania, Rruga e Tiranës dhe rruga “Driton Hoxha”.